Wafahamu wanaongoza kwa kasi kwenye ligi ya England.

 Unapofikiria wachezaji wanaoongoza kwa kasi wakiwa uwanjani kwenye ligi kuu ya soka nchini England mara moja majina yatakayokujia kichwani ni ya watu kama Raheem Sterling , Gabriel Agbonlahor na Alexis Sanchez
Wachezaji hawa wamezoeleka kuwatisha mabeki kwa kasi yao wakiwa uwanjani jambo ambalo limekuwa msaada mkubwa sana kwa timu zao ambazo zimefaidika kwa mabao yatokanayo na sifa ya wachezaji hawa kuwa na uwezo wa kukimbia kwa kasi ya ajabu .
Kiukweli wana kasi kama ionekanavyo lakini hawajamzidi kiungo Mfaransa wa Newcastle United Mousa Sissoko .
Kiungo huyu wa klabu ya Newcastle United alionekana kuwa na kasi ya ajabu wakati takwmu zilipoonyesha kuwa alikimbia kwa kasi ya kilomita 35.3 kwa saa kwenye mechi kati ya timu yake na Leicester City ambapo Newcastle ilishinda 1-0, kasi ambayo ndio kubwa kuliko wachezaji wote kwa msimu huu kwa mujibu wa takwmu rasmi .

Mousa Sissoko ametajwa kuwa mchezaji mwenye kasi kuliko wote kwenye ligi ya England .

Kwa kawaida Sissoko hajazoeleka kuwa na kasi kubwa na aliwashangaza wengi kwa jinsi takwimu zilivyomuonyesha kuwa na kasi kuwaliko watu kama Wilfred Zaha na wengine wengi .
Wachezaji wengine walioonekana kuwa na kasi kubwa ni kiungo wa West Brom Cristian Gamboa , Eric Dier wa Tottenham na Raheem Sterling wa Liverpool ambao wana kasi ya kukimbia umbali wa kilomita 35 kwa saa .
Alexis Sanchez wa Arsenal ameingia kwenye orodha hii lakini amezidiwa na Gabriel Agbonlahor na Ross Barkley pamoja na Diego Costa wa Chelsea .

Wachezaji wanaoongoza kwa kasi kwenye kila timu ligi ya England 2014-15
Mchezaji	Timu	Mpinzani kwenye mechi ya takwimu	Tarehe	Kasi (kph)
Alexis Sánchez	Arsenal	Newcastle United	13/12/2014	34.6
Gabriel Agbonlahor	Aston Villa	Southampton	24/11/2014	34.8
Marvin Sordell	Burnley	Everton	26/10/2014	34.0
Diego Costa	Chelsea	Liverpool	08/11/2014	34.7
Wilfried Zaha	Crystal Palace	Stoke City	13/12/2014	35.2
Ross Barkley	Everton	Swansea City	01/11/2014	34.9
Ahmed Elmohamady	Hull City	Everton	03/12/2014	34.6
Marcin Wasilewski	Leicester City	Queens Park Rangers	29/11/2014	35.1
Raheem Sterling	Liverpool	Queens Park Rangers	19/10/2014	35.0
Sergio Agüero	Manchester City	Tottenham Hotspur	18/10/2014	34.7
Luke Shaw	Manchester United	Chelsea	26/10/2014	34.2
Moussa Sissoko	Newcastle United	Leicester City	18/10/2014	35.3
Yun Suk-Young	Queens Park Rangers	Manchester City	08/11/2014	34.7
Nathaniel Clyne	Southampton	Stoke City	25/10/2014	34.2
Erik Pieters	Stoke City	West Bromwich Albion	28/12/2014	34.5
Connor Wickham	Sunderland	Aston Villa	28/12/2014	34.5
Jefferson Montero	Swansea City	Everton	01/11/2014	34.5
Eric Dier	Tottenham Hotspur	Liverpool	31/08/2014	35.0
Cristian Gamboa	West Bromwich Albion	Leicester City	01/11/2014	35.0
Stewart Downing	West Ham United	Tottenham Hotspur	16/08/2014	35.1

Takwimu hizi zimeonyesha wachezaji wanaoongoza kwa kukimbia umbali mrefu kuliko wote ambapo klabu ya Stoke City imetoa mchezaji anayeongoza ambaye ni Steven N’zonzi ambaye kwenye mechi 20 ameweza kukimbia umbali wa kilomita 227 akiongoza katika takwimu hiyo .

Steve N’zonzi wa Stoke City amekimbia umbali mrefu kuliko wachezaji wote wa ligi ya England baada ya michezo 20.

Nyuma ya N’zonzi yuko kiungo wa Chelsea Cesc Fabregas ambaye ukiachilia mbali pasi 14 za mwisho kwa wafungaji wa Chelsea alizotoa ameweza kukimbia umbali wa kilomita 225.3 na anafuatiwa na Cristian Eriksen wa Tottenham Hotspurs ambaye amekimbia umbali wa kilomita 222 umbali ambao ni sawa na mbio tano tofauti za marathon.
Jina la Robin Van Persie limetokea kwenye orodha hii katika hali ambayo itashangaza wengi akiwa amecheza jumla ya mechi 13 pekee ambazo amemaliza dakika 90 ambapo ameweza kukimbia umbali wa kilomita 187.1 na amewazidi Yaya Toure wa Manchester City na Paul Konchesky wa Leicester City ambao wamekimbia umbali wa kilomita 179.7 na 173.1 katika mpangilio .

Wachezaji wanaoongoza kwa kukimbia umbali mrefu ligi ya England 2014-15
Mchezaji	Timu	Umbali aliokimbia (km)
Mathieu Flamini	Arsenal	191.0
Aly Cissokho	Aston Villa	190.4
George Boyd	Burnley	213.2
Cesc Fàbregas	Chelsea	225.3
Joel Ward	Crystal Palace	205.3
Gareth Barry	Everton	198.2
Jake Livermore	Hull City	218.2
Paul Konchesky	Leicester City	173.1
Jordan Henderson	Liverpool	204.8
Yaya Touré	Manchester City	179.7
Robin van Persie	Manchester United	187.1
Jack Colback	Newcastle United	221.4
Steven Caulker	Queens Park Rangers	187.4
Graziano Pellè	Southampton	199.8
Steven N’Zonzi	Stoke City	227.1
Sebastian Larsson	Sunderland	209.1
Ki Sung-Yueng	Swansea City	220.8
Christian Eriksen	Tottenham Hotspur	222.8
Craig Gardner	West Bromwich Albion	196.2
Aaron Cresswell	West Ham United	211.5

 USISITE KUTUACHIA UJUMBE WAKO HAPO CHINI.

Get Free Email Updates to your Inbox!

• Rss
• Twitter
• FaceBook
• Google +

Filed Under: MICHEZO on