OFM
kazini! Kile kitengo maarufu cha Global Publishers cha Operesheni
Fichua Maovu (OFM) mwishoni mwa wiki kilifanikiwa kunasa tukio la aina
yake baada ya kijana mmoja aliyefahamika kwa jina la Joni Simon kunaswa
na kitita cha fedha bandia akitaka kuwekewa katika simu yake ya mkononi
kupitia mtandao wa Tigo Pesa, tukio lililotokea Sinza Afrika Sana jijini
Dar.
Polisi wakionyesha fedha bandia alizokamatwa nazo bwana Joni Simon.
Mashuhuda waliwaambia OFM kuwa kijana huyo alinaswa katika duka moja
la Tigo Pesa lililopo maeneo ya Kona Bar karibu na Hoteli ya kisasa ya
Atriums.Baada ya kuwekewa pesa katika simu yake, alitoa ‘mkwanja huo
bandia’ na kumkabidhi jamaa wa Tigo Pesa, lakini alizitilia mashaka
fedha hizo na kulazimika kumzuia asiondoke kwanza, lakini jamaa huyo
akataka kutimua mbio.
Bwana Joni Simon akiwa chini ya ulinzi wa polisi.
Kabla hajafanya hivyo, jamaa wa Tigo Pesa alimrukia na kumshika huku
akipiga kelele za kuomba msaada ndipo akaupata kutoka kwa wauza chips
walio karibu.Ndipo simu ilipopigwa kwa polisi wa kituo cha Mabatini
Kijitonyama ambao wakiongozwa na Kamanda Rashidi wakaingia eneo la tukio
mara moja lakini walilazimika kutumia bunduki kumtisha ili kumtuliza
kijana huyo na kumtia mbaroni.
Baada ya kumpekua walimkuta na kiasi cha zaidi ya shilingi laki
mbili, zote zikiwa bandia na waliondoka naye kuelekea kituoni kwa
mahojiano zaidi kabla ya hatua nyingine za kisheria kufuata.
RPC Wambura.
Tukio hilo limetokea siku chache tu baada ya mtu mmoja huko mkoani
Mwanza, kukamatwa akiwa na kiasi cha shilingi milioni 400 za Kitanzania,
ambazo pia ni bandia, zilizokusudiwa kuingizwa katika mzunguko wa
fedha.
USISITE KUTUACHIA UJUMBE WAKO HAPO CHINI.
Get Free Email Updates to your Inbox!
Post a Comment